Gott samstarf, virðing og velgjörð í sveitarstjórnarmálum er ekki bara kostur - það er beinlínis forsenda fyrir árangri, velferð og uppbyggingu samfélagsins alls. Það er ekkert sem hefur meiri áhrif á lífsgæði íbúanna en samhentur meirihluti - vel upplýst og samstarfsfús bæjarstjórn. Ef eitthvað útskýrir gott gengi síðustu ára þá er það að þessi gildi hafa eflst til muna.

 

Öflug samvinna, fagmennska, hópefli og vilji til að lenda flóknum málum hefur einkennt þann tíma sem ég hef starfað sem bæjarstjóri í Hveragerði, það eru forréttindi að vinna með slíkum hópi.

 

Ég er þakklátur fyrir að vera bæjarstjóraefni meirihlutaflokka þessa kjörtímabils, bæjarmálafélagsins Okkar Hveragerðis og Framsóknar í Hveragerði. Meðmæli sem ég tek af auðmýkt og alvöru. Mikilvægast er samt að málefni flokkanna fái sviðið, frambjóðendur hafi orðið. Þar ræðst framtíð bæjarins.

 

Það eru spennandi tímar framundan í Hveragerði, bæ í gæðavexti. Áskoranir sem þurfa fyrst og fremst samhent átak, uppbyggingu sem kallar á ríkt samtal og sigra sem við ætlum að fagna saman.

 

Það er sama hvernig á það er horft - kjörtímabilið, sem nú sér roða í vestri, er eitt það uppbyggilegasta í sögu bæjarins. Það er afrakstur kröftugrar samvinnu.

 

Það er fréttaefni hvað velst mikið af gæðafólki á alla framboðslista flokkana sem eru að bjóða fram í bænum. Það er ekki sjálfsagt - það er afleiðing af heilbrigðum, vönduðum og gegnheilum stjórnmálum sem stunda röklega umræðu, virkt samtal og gagnkvæma virðingu - mennsku í stað hörku. Það gerir þennan mikilvæga vettvang bæjarmála eftirsóknarverðan. 

 

Við skulum ekki gleyma að árangur bæjarfélaga er ekki einungis mældur í umfangi rekstrarafgangs. Hitt heldur í styrk lýðræðis - gæðum mennsku og menningar.

 

Skrefum þetta saman.

 

Við skulum ekki gleyma að árangur bæjarfélaga er ekki einungis mældur í umfangi rekstrarafgangs. Hitt heldur í styrk lýðræðis - gæðum mennsku og menningar.

 

Skrefum þetta saman.